कड़े जाओगे गाम छोड़ कै Kade jaaoge gaam chhodkar
कड़े जाओगे गाम छोड़ कै सुख और आराम छोड़ कै ऊरै ही तो जन्मे थे, कट्ठे होकै बैठे, पीया और खाया कर दे सारे बालक बैठक म मिल बैठ कै हांस्या और हंसाया कर दे फेर के यू सब देखण नै मिल जैगा, कड़ै जाओगे सारा झाम ताम छोड़ कै कड़ै जाओगे गाम छोड़ कै, सुख और आराम छोड़ कै जोहड़ म नहाणा लिसोड़ै जामण खाणा पाटृया होया शाही बाणा दनौदे आले जोगी का थ्याई म वो रांझां गाणा सारंगी बजाणा ओड़ै फोन म आंख फुड़ाओगे, उरै आली सुहानी शाम छोड़ कै कड़ै जाओगे गाम छोड़ कै, सुख और आराम छोड़ कै बड़े बुजुर्ग का विदेश में जाकर मन नहीं लगेगा और यहीं पर छोड़ कर जाओगे तो फिर यह बनेगा क्यूकर जी लागै गा बड़ों का तारे बिन ना इनका जी लागै ओड़ै, पडौस घर आले बिन क्यूकर जांवै यैं बी उरै आला खेड़ा राम छोड़ कै कड़ै जाओगे गाम छोड़ कै, सुख और आराम छोड़ कै के करोगे उस कमाई का, दो टैम की रोटी ए तो खाणी स पेट तो उन कुत्ते बिल्ली का भी भरजे स जिनकै ना किल्ले ना नौकरी पाणी स इतना तो उरै भी करकै खा सकौ, के लोड़ स जाओ घर बार तमाम छोड़ कै Uk, USA jaan ki k lod gaam bna do amrika Miljul kaam kro ure ka b bajega ...